9.12.05
O BNG leva dous anos e medio sen xestionar o Pazo da Cultura que herdou do PP
O BNG NO PAZO DA CULTURA: 2 ANOS E MEDIO VIVINDO DE RENDAS, 2 ANOS E MEDIO DE INCOMPETENCIA
12 anos criticando:
2 anos e medio vivindo de rendas:
Vistas as cousas, moitos esperabamos que, chegado ó poder o BNG e coa concellería de Cultura, asistiriamos a unha auténtica “Revolución Cultural”. Pois ben, dous anos e medio despois, seguimos a esperar por esa revolución. Porque non temos escoitado nin nin unha soa idea nova e significativa aportada pola concelleira de cultura.
No apartado dos contidos, tódalas actividades: outono de Teatro, Mes da Música, Semana da danza, o Conservatorio, a Banda, a escola de idiomas, as actividades de Antroido ou de Nadal, o Verán Cultural, a programación continua do Pazo da Cultura, etc, ,etc, etc, son as mesmas que creou e deixou en marcha o anterior goberno.
E no apartado das infraestruturas, vacío absoluto. Hai que recoñecer que en vivir de rendas, igual que en facer propaganda, son uns expertos.
2 anos e medio de incompetencia:
O exemplo máis significativo da política dos nacionalistas é o Pazo da Cultura. Na segunda planta do edificio, construíuse toda unha serie de locais, co propósito expreso de ser empregados polas asociacións culturais do concello.
Dous e medio despois, e logo da insistencia de moitas destas asociacións, o Concello segue negándose a darlles acceso a estes locais. Hai xa máis dun ano, o grupo municipal do PP presentara unha pregunta no pleno por este asunto, e a resposta foi que “estaba pendente da redacción da ordenanza de uso”. Coñécese que a están redactando en verso.
Non só non se aporta nada novo, é que nin sequera son capaces de xestionar o que herdaron.
Novas Xeracións de Carballo
9 de decembro de 2005
